انت؟؟

انت مين؟؟انت الى لما الدنيا تقسى عليا يكون موجود التفت اتسند علية الى لما ازعل اكون مبسوطة عشان انت مبسوط و لما اكون مبسوطة اازعل انك مش موجود..انت الى لما ارجع من الغابة الى عايشين فيها واقفل كل البواب مسمعش غيرك ومشفش الا انت..انت الى مش اخاف منة اخاف علية وانت الى فهماك من غير متعمل وسمعاك من غير متتكلم والى كل حركة بتقول انك بتعشقنى وانا كل نفس بعد ربنا ليك..انت الى انا مش محتاجة اكون غير انا وانا معاك.
انت الى لمست ايدك تريحنى وهمسك يطمنى وعلى صوتك انام .انام من غير مفكر هعمل اية ولا اية هيحصل ولا حتى لية اغمض عينى وانام وتبقى اول مرة انام وانا مش خايفة..انا عايزة احبك من غير محس انى حبى ليك حمل ..عايزة اتكلم من غير مفكر عايزة كل م كون عايزة اقول حاجة اقولها ..عايزة احضنك وقت م انا عايزة و لما تتعب اكون انا راحتك ولما تبكى يبقى بين ايدى مش عايزة اكون غير ليك وانت متكنش غير ليا..عايزة نحلم مع بعض ونرسم لمستقبل احلى بوجودنا فية مش عايزة اقول حصلى اية عايزة افكر معاك لبعدين مش زمان بس عيزاك تعرف انى مفرحتش غير معاك ودة ميقليلنيش فعنيك
انت الى هكبر معاة خطوة بخطوة وياة و لاخر عمرى عيزاة ولما ابصلك ابتسم مش عايزة يجى الوقت الى نزهق فية من بعض و اننا نخسر بعض ونبقى امر مسلم ..انت الى من الدنيا انا مستنياة وبتمناة وبحلم بية يمكن اتوة و مصدقش فى الاول لكن هستسلم ليك..

مش عايزاها

انا مش عايزاها الدنيا الى كلها حزن وهم ومشاكل وضغوط دى انا مش عايزاها.الدنيا الى الابتسامة فيها بقت محسوبة دى انا مش عيزاها والدنيا الى بتديك من اليمين وتاخد من الشمال و الدنيا الى دمعتك فيها فى كل وقت دى انا رفضاها .الدنيا الى لما عجوز يبكى ميتسمعش صوتة دى انا رفضاها ولما شاب يصرخ يكتموا حتى همسة دى انا لعناها والمريض لما يقول اة يبقى حمل دى دنيا انا مستغرباها..
لما تكرة تنزل الشارع عشان مش ناقص ضغط والدنيا مبهدلاك جوة وبرة وضغوط من كل اتجاة زى متكون فى خلاط دى ملعونها و الناس الى ماشية جبروت الفلوس عماها وفكرينى انهم اسيادها ونسيوا رب فوقهم اذا شاء خسف بيهم دول انا كارهاهم..
وشوف يا اخى ظلم الانسان ودمار النفوسو صغر النفوس لما يفترى الواحد على اقرب ما لية احب الناس الية ويفتكر انة كدة قادر وانة كدة عايز وانة كدة مبسوط وان دة هو المطلوب..طب نامن لمين فيكى بعد كدة؟؟ماشيين نقول يا رب وهو دة المطلوب ربنا غافر الذنوب يقول للشىء كن فيكون..
انا مش عايزاها ورهباها ..انا فيها لوحدى وقلقانة.وسمعاها صوت الالم فى كل مكان وسمعاة صوت الدم مالى المكان وشيفاة ..و خايفة اقول انى خايفة اصل تستضعفنى الدنيا و تفتكر انها قدرت عليا .ولسة مش عارفة انا مين انا من الى يقفوا حنب الخير ولا الى بيقولوا مفيش خير فى الدنيا انا جنب الى الصمود ولا ماشية مع التيار هو انا مين وفين وبعمل اية والناس دى بتعمل اية وعايزة اية ولية؟هو انا كنت ماشية يمين ولا شمال طالعة ولا نازلة؟والناس دى صوتها عالى لية وبيقولوا اية ...هو بس انا فين ؟؟

بنتين

مادا دى بنت الجيران شباكى ادام شباكها فى حارة صغيرة قد كدة..لكن الفرق م بنا كبييييير ,مادا دى بنت الحتة كلها كلنا بنموت فيها بس هى ولا كلمة ولا ابتسامة فى دنيا تانية اوقات ابصلها واقول بس انتى فين وسايبانا احنا فى الدنيا دى هنا؟دايما معاها عروستها وزى متلبس العروسة تلبس من غير كلام كدة دى اوامر من عيون الست مادا..
بشوفها واصبح عليها كل يوم وبشوف مامتها وهى بتصحيها و الدنيا كلها بتفتح عنيها معاها ولما تمشى مامتها تقولى نفسى بس فى صباح الخير..منعرفش اية غلط بيقولوا انة توحد ودكاترة تقول ان حالة وهتعدى واهو كلوا بيفتى..وتبص لبنت 5 سنين مش عايزة الدنيا الى بيعانى فيها رجالة فى سن 40 واختارت تعيش كدة ..
و صحيح متر فرق لكن انا فى دنيا وهى ف دنيا اوقات كنت اسرح واقول انا كمان عايزة ابقى هناك معاها واشوفها وهى حضنا عروستها واقول عدى سنى ومحضنتش فية حبايبى وفى يوم وليلة كبرت و سمعت خناقات عن المصروف وعن الوحدة وعن البعد والالم وشفت ام بتبكى طول الليل مستنياة الفرج من ربنا واب بعيد وعايز يفضل صح .عدى عمرى من غير معيش سنى واذا اتكلمت دلوقتى تبقى السخافة فى عقل بنت فى سن العشرين...
همس دى بنت الجيران شباكى ادام شباكها فى حارة صغيرة قد كدة..لكن هى غير جميلة وكبيرة كل الناس بتحبها بتتكلم وتضحك ودايما بتتحرك عندها اصحاب كتيير بيزروها كلهم بيحبوها وبتخرج وتيجى لوحدها والى عايزاة بتعملوا م دى حياة الست همس..
بشوفها كل يوم ومش بعرف ارد عليها وهى بتصبح ضحكتها جميلة منورة الدنيا بس بشوفها زعلانة اوقات واحس انها وحيدة فى دنيا واسعة كبيرة والناس فى كل مكان.وتبص ابنت 20 سنة مش عارفة هى عايزة اية فى دنيا ولد فى سن 10 سنين عارف هو عايز اية؟؟
وصحيح متر فرق لكن انا فى دنيا وهى فى دنيا اوقات مش انام واقول انا عايزة ابقى فى دنيتها وابقى كبيرة ومسئولة واصحابى معاياواقول عمرى مهيجى وقتى وانا هنا فى اوضتى حاضنة على طول عروستى ومش عارفة اتكلم واقول واشوف امى بتيكى وابويا دايما بيشكى وعيونهم بتتراجانا واسمع خناقات كتير وانا فى بيت مش سعيد يمكن انا السبب فية واذا اتكلمت دلوقتى يبقى الجنون فى عقل بنت فى سن الخمس سنين

انا مش انا

انا مش انا..يعنى مش زى م كنت عايزة اكون وانا عندى 20 سنة ومش زى م كنت عايزة ابقى احلامى امبارح مش هى بتاعت انهاردة ولا افكارى يمكن مش بتحسن يمكن مش بتقدم واحتمال اكون بتاخر بس انا مش انا..
متسالونيش امبارح احسن ولا انهاردة عشان امبارح وانهاردة عندى واحد اة احداث مختلفة وناس وحاجات جديدة لكن انا لسة حزينة زى م كنت امبارح صح اتغيرت وصح بعدت عن امبارح كتير لكن الاحساس هو هو مع اختلاف الاحداث..
انا عايزة اكون غير عايزة لما افرح مخفش ولما اخاف مقلقش ولما احزن اتعلم ولما اسكت جوايا يتكلم ولما اتكلم اقول الى انا عايزاة انا مش عايزة اندم على يوم جى تانى فى حياتى وعايزة اصالح الماضى ولما ابص لامبارح ابتسم مش لازم تكون كل حاجة صح لكن لازم اكون انا راضية
انا مش كاملة وعمرى مهوصل ااكمال لكن انا بحاول وبفشل فشل ذريع والنيجة هى العكس تماما انى بخسر الكويس الى جوايا دلوقتى..وارجع اقول انا مش انا ومش عارفة امتى هاكون انا

MY BED IS MY SWEETHEART

every time i went to bed is like am goin to my beloved one i need it so much i lay down eiz smile on my face and hold it nicely ,close my eyes and enjoy bein rested and calm .
its dark and i dont wanna open my eyes i wanna feel the warmest and enjoy it.
after all i can say ''i love u my bed''