مين محلمش انوا يغير حاجة ..مين فينا مفيش يوم جة و قال بس ياريت لو .لو عرفت اركن انهاردة .لو لقيت المحل دة فاتح .انا بقى ياما قلت انا حلمت انى اصحى فيوم الاقى بابا رجع البيت و ماما مش بتعيط.يا ما حلمت و انا صغيرة انى بابا يعاملنى على طول كويس .يا ما قلت امتى اصحى و ماما مش بتزعق.
ياما حلمت انى اطول و انى ارفع و دايما اجيب الدرجات النهائية يمكن سعتها الناس تغير معاملتها ليا انا بس كنت عايزة الناس تحبنى على طوووووول و لما كبرت و عرفت ان دة مستحيل بدات افهم اتغيرت شوية يعنى احلامى كبرت معايا .بقيت اقول يا ريت مامى تبطل تستنى بابا و تعيش الواقع و تشوف الحقيقة بقى و حلمت ان بابا يعرف يعبر عن حبوا لينا احسن من كدة.
وبدات احب كونى انا و احب شكلى و بقيت احلم انى لما انزل اشوف فى طريقى ناس مبسوطة على وشهم الرضا ناس بتحب بعض و بتساعد بعض و بقول لو بس مش اشوف حد محتاج انهاردة؟بس دة استحالة من فينا مش محتاجة حاجة و مش قصدى مادية بس و نفسية ياااااااااااااااااااة يا جماعة حلم حلم اقول اية بس؟
تقولى انتى حلمتى تغيرى الكون هقول لا انا بس حلمت اغير حياتى للاحسن و اكتشفت انى بطالب بتغيير الكون ..و اكتشفت انى كمان بطالب بلن الناس تبطل تحلم عايزة مامى تبطل تحلم برجوع بابا و هو دة ال بتمناة حالا حالا و الى بسببوا بقول كدة ممكن تفكر ان قراراتك مش بتاذى حد غيرك لكن كل قرار بتاخدوا بياثر بشكل او باخر على حد تانى حتى لو الحد دة انت متعرفوش تصور لو الحد دة ابنك؟تصدقوا ممكن اكون انا صح انا عايزة الناس تبطل تحلم شوية و تعيش الواقع و الناس الى عايشاها زى م هى تبدا تحلم شوية و تحقق دة ..
