طيب الواد بهاء دة..مع انوا مبيتكلمش كلمتين على بعض بس يجى منوا...لو مكنش فى المنطقة بقالوا يجى 7 سنين كان زمانوا اتنسى...لكن احنا عرفناة كدة بالصدفة اصلوا بيعدى رايح جاى زى النسمة وى صوت ولا سلام ولا موقف كدة ولا كدة دة حتى لما بيشوف خناقة وهو معدى محدش بيشوف وشوا بعدها ليومين قدام كدة تحس انوا فى محزنة..
صباح الخير يا استاذ بهاء...واللّة شكلة يوم جميل مش كدة؟؟
دة تنك بشكل مش معقول ...ى كلام ولا سلام كان محدش عجبوا ولما كان يتكلم تحس انو هيشلك وانو سيد العارفين ومش هيضيع وقتوا مع امثالنا من الرعاع شفت الرعاع دى اصل انا خريجة حقوق بتقدير معايا مادة ...هو انا كنت هعوز منة اية؟؟هو بس السلام والصباح دى اصول الجيرة...يعنى اشوفوا كدة كل يوم الصبح من غير مسلم دى حتى تبقى قلة ذوق...يعنى هو صحيح فية قبول وكان لبسة وشياكتة مش على حد فى المنطقة بس عنية مكنتش تريح فيهم خدعة كدة مش مفهومة
شقتين طعمية وواحدة فول يا بهاء بية...دة انت تامر يا ابنى ربنا يفتحها فى وشك
اة طبعا اووووووومال دة مش بيفطر غير من ايدى ياما دعتلوا بالعروسة بنت الحلال وكان دايما يضحك اة والنعمة انا هكدب...هادى فى نفسيتوا كدة وريحوا خفيف لما كانت الدنيا تبقى زحمة اصل اهل الحارة كلهم والمنطقة ميفطروش غير من عند ام محسن لا مؤاخذة..كان يتوة فى النص كدة ويقف بالساعات وكل من هب ودب ياخد دورة لحد ميصعب عليا وانادى علية يا ما مشى من غير فطار اصل يتهرس والنعمة جنب الوحوش دول دة مرة الواد موزة ابن 7 سنين بس عيل شحط كان هياكلوا واللّة...نقول اية هم الناس دى ليهم مكان فى البلد دى ...
ادعيلك باية يا ابنى دى راحة البال بالدنيا وما فيها؟
يااااااااااة اهو بهاء دة سكن فوقى 3 سنين قبل معرف شكلوا كان نازل وانا مش قادر بعد م العظمة كبرت اشيل الانبوبة والراجل رمهالى ادام الباب ..اهو نجدنى بصراحة وركبهالى وقالى اى وقت انادية بصراحة كنت اتكسفت منوا ومندتوش لحد بعد كام شهر لقيتوا بكل كسوف جايلى وبيسالنى مبحتاجوش فى حاجة لية؟؟واللّة معرفتش اقولوا اية لمل طلع دمعت مكنتش اعرف مالوا كدة نفسة عزيزة وملوش فى اللبش بتاع المنطقة واهل الحارة ولا حاجة كسرت نفسة وذلتوا...بعد كدة كنت بطلب منوا وكان بيبقى مبسوط ربنا يكرموا..
هو احنا مش هنوجب معاك ولا اية يا عم بهاء دة انت فى المنطقة من 6 سنين ومعرفناش نورهالك كدة فى قاعدة من بتوعنا
الواد دة دماغة عالية ايوة ملوش فى الصنف المعفن بتاعنا دة شكلوا دماغوا متكلفة...ماشى كدة فى المنطقة بوزنة شكلوا نايم على حاجة تقيلة...مهو شكلوا كان يدى على لبن ناس يعنى وبعدين هو حد يقول للكيف لا الا اذا كان مظبط ومتظبط دى حتى البت حنان جارتة كان مثبتها البت متنحالوا فى الشباك كانوا بيضة دهب....اراهنك اذا ماكان الواد دة ثعلب كبير وصايع اوى والايامو بينانا...
مقالة اية المنيلة بستين نيلة دى؟؟كان ناقصنى انا الراجل الغامض يسلامتة دة؟
صحيح الموضوع فى اثارة ودراما وتشويق بس المواطن فية الى مكفية سعادتك ...يعنى اقلب الدنيا واجيب قصة حياة يهاء ماشى ومالة بس مين من القراء هيقرا ويستنى ويدور معايا؟؟الناس مش لاقية تاكل واخرة المقالة عند ام محسن وفيها شوية طعمية...صدقنى انا خايف على الجريدة م احنا لازم نهتم بالواقع بدل منهرب منوا لانصاف مقالات وموضوع شايفينوا على الافلام ميت مرة وفيها اية شاب فى 28 مات فى شقتة؟؟موتة ربانية ولا لا م كل الموت موت ربانى تعالى للعيل الى ضربوة لما موتوة فى القسم من كام يوم يعنى كل الناس تتكلم عنوا وانا اتكلم عن واحد مات فى شقتة كدة عادى؟؟هنفضل سكتين لامتى وبنموت الصاحى وبنصحى الميت والناس من زهقها كرهت اليوم الى اتعلمت فية والى مش متعلم بيقول بركة يا جامع؟
وبعدين يا صلاح...يومين فى موضوع بهاء دة ومفيش تغيير ولا فكرة كدة ولا كدة الغريبة انك مش عايز تدور ولا تبدا ؟؟اية حتى الفضول مش بيحركك مهو بردوا كان غامض...باين حالة الامبالاة اتنقلتك منوا؟؟صحيح هو الى كان فية دة لا مبالاة ولا رضا بالامر الواقع ولا زيك كدة مفيش حاجة شدتوا فى الحياة زى ممفيش حاجة شدتك فى المقال؟ بس السؤال هو كل واحد شاف فية حاجة ولا كلهم شافوا نفس الحاجة من وجهة نظر؟
مش قادر افهموا ولا عارف ابدا منين ...الواد دة كان طيب ولا عامل دماغ ..كان مرتبط ولا معجبتوش حنان...كان عايش بجد ولا عايش والسلام..كان مش مهتم ولا مش فاهم...كان وحيد ولا لوحدة..كان عايش ولا ميت...
وبعدين يا صلاح انت هتكتب ولا مش هتكتب!!!!!!!!!!
