سيب وانا اسيب

كان يا ما كان يا سعد يا اكرام ولا يحلا الكلام الا بذكر النبى علية افضل الصلاه والسلام..شوف يا حبيبى انا مقدره حجم الظروف الى جمعتنا وشاكره فضلها ..وكل دقيقة وموقف وكل كلمه كمان
مش ناسيه حنيتك عليا وخوفك وجدعنتك معايا ..حتى كل حلم حلمت بيه معاك ومتحققش مش ناكراه كاننا قضيناه ..
لكن وعد منى بالالتزام متستناش ..انا معاك لحد اول مطب والسلام ندله وبياعة ومالوا لكن مش مخادعه وكدابه
 انا مقدرش على الحرب دى ومع اول فرصه هنط واسيب المركب تغرق ..مهما حاولت اوضح هتفتكر انى بهزر 
ان الموضوع مش بالسوء ده وان مش ممكن اعملها ووقت الجد هثبت..لكن انا مش مسئوله عن اى اكل جواك
ومن حقك تسال ليه؟ ودة عشان يا حبيبى انا اميره نص كم ولا عمرى اتفرشلى الارض ورد ولا عمرى اكلت من معلقة دهب
انا اميرة على باب الله بشحت اب وام وعيله ..انا كل يوم بيعدى عليا فى قصرى الجميل بتهان مش هقول انى سندريلا 
لانى ساعتها هبقى عارفة مكانى وراضيه بمصيرى لكن انا فعلا مليش بيت فى بيتى ..
عارف لما بتتغزل وتتكلم عنى كل الى بفكر فيه وقتها قد ايه انا حاولت مكدبش عليك وقد اية انت متعرفش حاجة عنى
قد ايه انا بتكلم كتير وقد اية انا مبقولش حاجة اصلا ..
انا ليا طريقى وماشيه فيه لو خرجت انت من التراك يبقى عليك السلام ..يوم تاخير بيفرق كتير لو تعرفنى من سنين كنت عرفت الفرق 
وخفت انت كمان بس مش عليا منى ..خفت من الى هيموت جوايا ونتيجة دة عليك خفت وسط العتمه اخنق جواك حلم ويموت
ويجى وقت الجد واقولك سامحنى انا على اخرى عاملة زى الى واقف على جمر نار بيتنطط وعايز ينزل ..
مش بحلم بالجنه الى انت رسمهالى ولا عمرى طمعت فيها وبينى وبينك عمرة متخيلتها ولا صدقتها..لكن مش بكدبك انت لسه شايف فى الدنيا شىء حلو وفرحة انا مهما ضحكت مش هشوفها ..
لكن من باب تغيير العذاب مهو مش معقول كلو ضرب ضرب مفيش شتيمة؟ اجرب نوع تانى من الاهانه والذل 
احلام تانيه تتولد عشان تموت اصل انا وصلت للنهاية والى عليه الدور انا الى اموت ..
وفى نهاية الحكايه انا على اتفاقك معايا تحبنى وانا امثل انى مصدقاك لحد متكدب انت نفسك لتوصل انت الاول وتسيبنى لاكمل انا الطريق واسيبك

كلمتين

صباح الخير...ازيك 
اسفه اذا كنت جيت من غير معاد بس حبيت اقولك حاجة كان لازم تعرفيها من سنين ووعارفة ان حوارنا مات من ومان بس فى جروح مهما طال العمر مبتنتهيش ..
كان لازم اكون هنا حالا ..لحد باب بيتك عشان اواجه رفضك ليا انا مش بلوك ولا جايه اعاتب ولا اتكلم فى ماضى انا جايه اعرفك ان انتى غيرتينى وعلمتينى درس علم فى شخصيتى وغيرنى للاحسن وقوانى وبالرغم من كدة مش قادره اربطك بحدث حلو فى حياتى مش قادره اقولك شكرا لان انتى ابدا مكنش قصدك الخير ليا ولا انتى مبسوطه حالا وانا احسن واقوى ..
انتى العلامة السودة فى حياتى وبالرغم انك مش بالاهمية دى الى اننا بنحتاج فى حياتنا التوافه اوقات كتير ..
لا مش بحملك مسئولية اخطائى لكن يمكن انا موصلتش للمرحله الى اكون مرتاحه فيها ان كفايه عليكى انتى..كفايه انتى مستحملة نفسك ..
لا مش بتمنالك الالم او الشر مع انى احيانا فكرة الانتقام بتبقى مريحة ماحنا بشر لكن لو جاتلى الفرصه فانا هرميهالك لان الانتقام فكرة مريضة تليق لتفكيرك الضيق اكتر منى..
ياما دورتى على النواقص فى البنىادمين ياما ضعفهم اداكى فرصه لفرض شخصيتك ايوة منساش ان كانت لينا اوقاتنا الحلوه الى كنتى دايما بتضيعيها بكلامك الى بمعنيين..عمرى مفهمت ان لو كنت خايفة على صحوبيتك كان لازم اعاملك من فوق مكنش لازم ابين ضعفى وخوفى ...
الى ربنا بيحبه بيحببه فيه خلقة..مقدرتش افهم ليه صعب على ناس كتير انها توصلك وانها ترتاحلك انا مليش بالى بينك وبينهم بس كان لازم فى وقت اشوفك بعينهم وان الوقت الى قضيتوا معاكى انتى ابدا متستهليهوش ...

step by step

am new baby u know and i have never let my heart go
am afraid baby u see the road is new to me 
yes i wanna be free i wanna let go and dive in ur sea 
i wanna laugh out loud and fight my heart off i wanna the new taste 
i want to be missed to be loved and to have lots of fun
but i cant forget the wound in my chest i cant go on with a lie
i cant hurt u as some ppl do i cant promise what i cant do 
i cant put my fingers around ur heart and squeeze it with my smile
i cant damage ur future with my wounded soul and my sad eyes 
i cant look at ur eyes at tell u my past 
wtever i say u will find ur way to stay and i will keep hurting u to let u go
at the end u will lose ur pure soul ,ur smile and ur joy
at the end u will have the same look as me and the same wounded heart
at the end u will be copy of me and the world cant handle two of us my dear 

انا غيرت خلاص عنوانى ..

مش لازم اغير مكان سكنى عشان اكون غيرت عنوانى لكن ممكن اتغير من جوايا واحس ان مكانى معتش مساعينى او مش ليا يعنى انا غيرت عنوان نفسى من جوا كتيييييييييير ..وبصراحة الاختلاف الاخير كان واسع وكبير وصعب اوى عليا ويمكن لسه مستقرتش فى مكانى الجديد ولا فهمتة ..

انا بخرج من نطاق الكلية والامور التافهة والصغيرة من نطاق الراحة والسهولة لامور اكبر فى الحياه وان حاجات وناس كتير لازم نتقبل اختلافنا معاهم وانهم مش بيحبونا او بيفهمونا بسهولة وان امبارح معتش زى انهاردة وان نظام اليوم بقى فى علم الغيب هقابل مين او هكلم مين بقت صعب اعرفها ...

ان لازم ابطل احتاج اور انا كبرت عليها زى مثلا ان مفروض ابطل احتاج انى ارجع صغيرة مع انى عمرى مفكرت فكدة بس اكيد لما هبطل دراسة هتمنى ارجعلها وهيبقى صعب ولازم اقبل ان مهما كانت اللحظه حلوة هتخلص وتنتهى ولازم امشى وادور على غيرها ومش لازم افضل متمسكة بحاجة قديمة ..

التغيير بيبقى اصعب كل منكبر عشان صعب ننسى مش زى مكنا اطفال وفى الفترة الى بتبقى عارف انك لازم تتغير ولازم تتحرك بتفضل واقف مستنى اى حاجة تيجى تقولك لا مش لازم او لا اللحظة مخلصتش ..لكن مبيجيش ومبتحصلش فبتتحرك ولا تتحرك وانت باصص ادامك فاتح دراعك لا تتحرك وانت باصص وراك ومش مركز وترجع تقع تانى ...

ولازم ننسى ولازم نكبر ولازم نعدى الحلو والمر ولازم نعيش الجاى ومنفضلش ماسكين فى ماضى مات وانتهى ..ونختار اننا ننهيه ببسمه وسعادة ودرس ظريف ومننساش ان دى حياتنا الى جايه وكل منلاقى نفسنا محصورين فى الماضى ناخد نفس عميق ونفتح عنينا ونضحك للقدامنا للجاى ...

ونعترف ان احنا خلاص غيرنا عنوانا