الضياع يعنى تكون عارف اسمك و تاريخ ميلادك و عارف اهلك و عائلتك و اصحابك ومجتمعك عارف طريقك من المدرسة للبيت و من الكلية للسوبر ماركت ...تبقى عارف اخوات بيفكروا فى اية و عايزين اية و بيحبوا اية وتكتشف فى لحظات الحقيقة انك مش عارف انت مين و بتعمل فى الدنيا دى اية؟؟و جيت منين ورايح فين...
يعنى تكون نازل من بيتك و كل حاجة تمام نفس الشارع و عم على بتاع الفول بيبصلك و فى عنية تهديد انك رايح لابو نسمة بدل متجيلوا...و الست ام محمد قاعدة تشوشوش عليك وعلى غيرك والدنيا حر وانت فى عز الظهر ولابس اسود بكل غباء ومرة واحدة تلاقيك بردان اوى و فى شارع فاضى متعرفلوش ملامح و محدش حواليك انت عارفوا و كلهم بيكلموك عادى و مش فاكر انت رايح فين ولا جى منين ولا لية لابس خفيف فى المطرة دى ولا لية الفلوس دى بس هى الى معاك لا بطاقة ولا غيوا كدة انت و جنية و طقية فى بلاد اللة الواسعة...
يا مجنووووووووون...21 سنة من عمرك وانت فاكر انك عاقل و كول وان انت كدة على الطريق الصح ومرة واحدة تكتشف ان اصلا انت فى الهوا ومتعرفش اى حاجة فى اى حاجة وان انت فضلت فى مكانك والعالم بيتغير من حواليك وانت كدة فاكر ان انت الى بتتغير وبتغير...
قولى هتعمل اية دلوقتى وانت تايهة ووحيد و ضايع
ليست هناك تعليقات:
إرسال تعليق