انت عايش؟سؤال بس مش اجابتة سهلة اصل انا مش قصدى انك بتتنفس او انك بتصحى كل يوم و انت مش عايز او انك بتاكل وانت مش حاسس.لا انا قصدى انت حاسس انك فى معجزة كونك بتصحى كل يوم وان كل يوم زيادة بالنسبة ليك فرصة جديدة مش مجرد يوم بتتمنى انة بالطول او بالعرض يعدى ولا مجرد كلمة وانا هعمل اية يعنى او انك عملت الى تقدر علية.
طول م انت لسة حاسس انك مش مبسوط مش حاسس بالنعمة ومش حاسس انك عايز حاجة وبتعمل عشان توصلها طول م انت مستسلم لواقع فاكر انة اتفرض عليك من الناس وهو حقيقة اتفرض عليك من نفسك يبقى انت لسة مش عايش..
ممكن تغير كل حاجة انت مش عايزها بحاجة انت عايزها او ممكن تبدا تخلى الحاجة الى انت مش عايزها تعوزها..بس بانك تبصلها بطريقة جديدة غير الطريقة الى انت بتشوفها بيها حالا..ممكن تصحى كل يوم مش عايز تنزل كليتك او شغلك بس بردة ممكن تصحى وانت بتقول انهاردة يوم جميل ولو مش جميل انا بقى هخلية جميل..ممكن تكون كارة حاجة انت بتعملها حالا ومش قادر تغيرها لكن ممكن تبتسم وتبدا تفكر فى حاجة جميلة او توعد نفسك بحاجة جميلة لما تخلص..فكر كدة انك قاعد مش طايق شغلك وانك هتروح انهاردة تعمل حاجة بتحبها مهما كانت انت اكتر حد عارف انت بتحب اية واية بيبسطك يبقى بتبخل لية على نفسك؟انت مش شايف انك تستاهل تكون مبسوط وانك تبدا تغير رايك بان مبسوط وعايش وجهان لعملة واحدة..وانك متستسلمش هو الى هيخليك توصل للعملة دى.
صح مش طول الوقت هتقدر تعمل كدة ومش طول الوقت هتكون مبسوط وفرحان ومش على طول هتبقى مرتاح لكن خلية اقل حاجة يعنى مرو فى السنة كدة"كنوع من التغير يا سيدى"انت ممكن تزعل ربع ساعة وممكن تختار انك تزعل اسبوع وفكر اية الاختلاف هتلاقى انك لو دخلت فى دوامة الحزن هتوة وصعب انك تخرج وانك هتضيع اسبوع كان ممكن فية تعمل حاجات كتير وانت مرتاح وتقابل ناس جديدة ومين عارف كان ممكن فى الاسبوع دة تضحك جااامد لحد متدمع من الفرحة مع ناس جميلة بدل م انت اخترت تدمع من الحزن ولوحدك..
اختار حالا انك تكون كدة ونفذ فى اسرع وقت متستناس متضيعش وقت تانى كفاية متتفرجش على الدنيا من برة وتفضل تخطط تدخلها ازاى ادخل وبعدين فكر هتعيشها ازاى متخافش من التغيير مادام حاسس بية تقبلة .عشان لما اسالك بعد كدة انت عايش تقولى يا بنتى "انا عااااااااااااااااااااايش"وهبقى مصدقاك متحلفش
ليست هناك تعليقات:
إرسال تعليق