عن اقتناع كل حاجة ربنا ادهالنا نعمة ومش محتاجة انا اتناقش فى نعم ربنا ولا حكمة الكون لانة موضوع زى دايرة ملوش نهاية وبيلف حول حاجة واحدة هى ان حكمة المون دى بتاعت ربنا ....
لكن انا اكتشفت انى مش بحب الكلام...مش انكار منى لنعمة ربنا ادهالى اعوذ باللّة لكن انا فعلا الكلام بيسببلى اكتئاب "ودة تبع للشخصية اكيد"بس انا كل مرة اتكلم فيها مهما كان الشخص او المكان او الزمان او نوع الحوار باختلاف كل المعايير الى ممكن تتصورها بينتهى الموضوع بانى اخرج من الحوار حزينة و مكتئبة عشان اتكلمت ...ان اى كلمة مهما كانت معناها او كدة انى اتكلمها لازم افتح لنفسى تحقيق تصور انت فى قاعدة مع اصحابك لمدة ساعتين بتتكلم قد ايةو تخيل ان بيتحقق معاك بعد القاعدة الكول دى فى كل حرف نطقتة...
وكل حرف يكون كلمة وكل كلمة تحتوى على كذا معنى ودة تبع الغاية وطريقة انطق و الجملة السابقة واللاحقة للكلمة والتى تؤكد او تنفى معناها....صداااااااااااااااااااااااااااع
بحس ان بعد كل حوار او قاعدة مع الناس واشارك فيها بالكلام انى بخسر جزء من نفسى ان حاجة فيا بتموت و بحس بحزن غريب انا مش كئيبة فى الطبيعى لكن طبعا ليا اوقاتى بس لو كنت فى قمة الفرح كلامى بيقتل مودى ويقضى على سعادتى..
وتقولولى طب اخرسى ومتوجعيش ولا دماغنا ولا دماغك بس انا بنسى نفسى فى محاولة منى انى اكون اجتماعية وفى حوار و ان فى قاعدة انا موجودة فيها الكلام والضحك ميقفش و النقاش جدى او هزلى يكون موجود فببدا قصص وروايات وهكذا..........ز
انهاردة فكرت انى لو كنت خرساء كان حل امثل لمجنونة زيى فين وفين لما هتشاور وحد ياخد بالى انا مش متخيلة انى امقت تعمة غيرى بيتمناها انا مش بنكر فضل ربنا عليا...بس انا محتاجة اتعالج وبما انى طبيبة نفسى فانا شايفة انى كونى خرسا الحل الامثل..
احب اسمع الناس و افهمهم و افكر فى كلامهم واسلوبهم واحب اتفرج على التعبير الى بيصاحب كلامهم ...
صحيح اوقات بكرة الكلام واسلوب الحوار زى اى حد بس مش قد انى حتى اقول حاجة والناس تضحك قد مبكون مبسوطة جدا ان الناس حولى عرفوا يلاقوا ابتسامة لكن بكرة الى قلتوا و بشوف انوا جرح حد و اذا ملقتش حد خالص يبقى انا ...
وفيها اية منتكلمش فيها اية نسمع بس و نتعامل بالتعبير يعنى اضحك لما افرح و امثل تكشيرة صغيرة لما ازعل و تروح مع ابتسامة كبيرة مليا عينية و الى ادامى بيبررلى الكلام الى اكيد مكنش قصدوا يزعلنى و لما احب ابوس واحضن ولما اكرة اسلم من بعيد ..
انا مش عايزة اكون انا مش عايزة اتكلم ومش عايزة انافق ولا اكدب تانى ابدا فى حياتى ومش عايزة افكر فى الناس وحش و مش عايزة اخاف ولا اغضب ربنا.......وبس
ليست هناك تعليقات:
إرسال تعليق