بهرب من عنيك..ايوة بخاف تاخد بالك اصلها باينة اوى وانا مش ممكن اسمح ان غموضى يضيع وان عيونى تفضح كلامى.. وتضيع هيبتى وذكائى.. وان كل ماسكاتى تنهار.. و ان نوايايى تبان وتبقى الحقيقة مش قابلة للجدال.. من نظرة عين توضح الشمس اصل مش ممكن اسمح انى اظهر وابان...
ايوة كذبت..كذبت لما قلت انى نسيت الموبايل وطلعت عشان بس اعرف ابصلك وانت مش واخد بالك وقد اية نظارة الشمس دى انا بحبها ...عشان بسرح براحتى واقول انى مش واخدة بالى..ايوة بقول ان متفرقش معايا..ايوة وجودك زى عدمة ...لا مش بزعل لما تنام وانا مش بنام ولا لما استناك تكلمنى وتتاخر 5 دقايق...عادى جدا عادى انك تهزر مع بنات تانية وان سلامك عليهم ولا بيهزنى ولا بيخنقنى ...
يعنى اية لحظة رومانسية تمسك ايدى ومسمعش حاجة تانية غيرك حتى وانت بتتكلم فى الكورة ولا السياسة والمفروض اموت من الملل وبكون مندمجة جدا وعجبنى جدا كلامك "الى انا مش فهماة"..اصل انا مبحلمش انك تضمنى على نغمات اغنية على سبيل الهزار وانا مقدرش متعلقش بيك اوى كدة واحس انك قريب منى اوى اوى كدة..
يعنى اية اسمع اغانى وتكون كل كلمة ليك وبتعبر عن احساس جوايا واضح جدا؟؟يعنى اية احاول اقطع كل طريق بتوصلة لقلبى و احتمال ان انت تعرف انك مش محتاج ..
ايوة بحب جدا لما بتعمل حاجة وانت مش موافق اوى بس عشان انا عايزة...وبحب ضحكة الرضا الى بحس بية لما تكون حولى..
يعنى اية تزعل او تشيل الهم انا بخاف جدا اسال بخاف يبان فى صوتى القلق والخوف عليك ...اخاف تخونى ايدى وتحضن ايديك واخاف كلامى تتطلع منة كلمة تفضح شوقى اليك...بتعامل انها مشكلة ولازم حل "علاقة عمل" ..
ليست هناك تعليقات:
إرسال تعليق