مش هقدر ولا هكون

my new pain doesnt make the old one easier it just reminde me of it and so i start new series of pain when i was 4 that happened then this and nw i have thoes,,, افكارى مش بتاخدنى لاى مكان عادة بكون بحاول انام بيقولوا لكل قصة عبرة وان لازم تكون افكاراك بنائة وانك تخرج من كل قصة بحكمة ومن كل تجربة بدرس وانك لازم توصل لمكان ما..وسبحان اللّة يا اخى بفضل بردوا فى السرير مكانى و لا بلاقينى رحت باريس .طوكيو ولا حتى اسوان ولا جنب الترعة مثلا اهى بردوا خروجة... لا فى السرير مكانى كل الى زاد مشاعر تخنق الحجر و دموع مش عايزة تنزل و دماغ هتنفجر و عقل مش قادر يصدق حتى مش عارف يدور على اى حاجة تخرجنا من الى احنا فية دة مفيش عبرة مفيش درس ةلا حكمة فى واقع ملموس و حقيقة متقدرش تهرب منها اصل هتروح على فين اذا كان الشىء الوحيد الحر فيك لما سبتوا ينطلق راح لاماكن ظلمة وعتمة فات عليها سنين ينبش فى الماضى و يلاقى التشابة والاصعب فى الحاضر و فى الوقت دة تلاقى الامل بيقول يا فكييييييييييك...مستقبل اية بقى اصل وانا صغيرة كنت دايما اقول بكرة احلى بكرة هيكون و بكرة هيتغير و لزيادة عن 10 سنين بكرة دة متاخر و فضل يتاخر و فضلت استنا لما زهقنا انا و الامل فبصراحة اطلقت سراحة و انا فتحت عنيا... ولما اقول هتهون بتصعب و لما اقول انا بقيت اقوى الاقينى اضعف و بحاول لكن بغلط و بجرب و ولا بينفع والضغط بيزيد و تلاقى كل الى حوليك مستنى انك انت الى تتنازل و انت الى تسكت ويا ريت و لما تتكلم تقول الى عيزينوا و مش شيفين حاجة غيرهم صحيح انا كمان مش شايفة غيرى و بفكر فى الى بيجرالى بس بضغط على انهم ميضغطوش عليا و دة بالنسبالهم عدم رضا بقضاء اللّة و قدرة....ولا حول ولا قوة الا باللّة تتسال لما تشوف بنت زيى كل حاجة من برة تمام و كول و كل الناس تتكلم وتوصف وتقول فى الى يحسد وفى الى بتعجب و دلوقتى انا اضحك من جوة على هبل الناس من برة شايفينى مبسوطة؟؟ومتدلعة و امورة؟؟شيفينى كول و على الموضة؟و عندى اب و ام وكتكوتة؟؟شيفنى غنية ومش مسئولة والعيون دى اكيد مبتدمعش بسهولة؟؟ يمكن بس مش كل حاجة مظبوطة و انا بدفع ثمن غالى لحاجات مش معقولة...وان العيون الى مبتدمعش معاها شافايف مبتضحكش و نفسية مكبوتة وبنت مش مبسوطة و بعدين و نهاية قصة الحزن و باب الشفقة على الذات الى مش عايز يخلص دة اية و بقول اسبوع كتير بردوا يا ريرى امتى هتروقى و تضحكى و تفوقى؟؟لو الناس دى غلطت فيكى حقك عليا غلابة مش لاقيين غيرك يروقوة لتكبّرى لتتهورى وتخسرى و تتشردى عجبنى انا موضوع السجع دة لة تاثير السحر على نفسى و لعل و عسى يكون لة تاثير على ريرى... وكان الابتسامة بقت طلب و استئذان مش حق و بة لا يستهان و كان الضحكة بقت طى الكتمان سكوووووووووووت اصلها ممكن تبان و على فين رايح انت يا فلان بقلب مجروح و عين عايزة تنام ..على بلاد الاحزان حر انت يا انسان تعمل الى انت عايزة وترجع ندمان و هيهات ان ريرى تستكان.. انا خايفة...مرعوبة...مش شايفة اى امل ولا اى حلوا و بحاول اخرج من الى انا فية بس بجد مش معقول و كل مرة الحمل يزيد ميقلش و دلوقتى مبنمش غير و انا حزينة انا فعلا مش مبسوطة و بحاول واللّة لكن باين مش مكتوبة...هو بقى حرام انى اكون مرتاحة ولا ان يوم يعدى كدة براحة وهداوة هو انا الغلط ولا الناس ولا الظروف و متقوليش كل دول عشان انا كدة هتوة و بجد مش قادرة و مش هقدر وولا هكون... ضاعت الابتسامة من العيون و اتلت دموع انا مش هقدر ولا هكون وبتنهيدة و حزن مالى الصدور اتمايلت و انا بقول انا مش هقدر ولا هكون